Պաղեստինյան ՀԱՄԱՍ շարժումը մտադիր է պատասխանատու կերպով և արագորեն մոտենալ իսրայելական կողմի հետ հրադադարի և Գազայի հատվածում իրավիճակի կայունացման վերաբերյալ համաձայնագրերի կնքմանը: Այս մասին հայտարարել է արմատական շարժման քաղաքական բյուրոյի մամուլի քարտուղար Թահեր ալ-Նունուն:
«Մենք՝ ՀԱՄԱՍ-ի ղեկավարությունը, պատասխանատու մոտեցում ենք ցուցաբերում Իսրայելի հետ համաձայնության հասնելու հարցում», - ասել է ալ-Նունուն, մեջբերում է Maan լրատվական գործակալությունը:
Նրա խոսքով՝ շարժումը «ձգտում է ակտիվորեն և արագ համաձայնությունների հասնել, որոնք կվերջ դնեն Իսրայելի ագրեսիային Գազայի պաղեստինցի ժողովրդի դեմ»:
Երկուշաբթի օրը Maan-ը հաղորդել է, որ իր տեղեկությունների համաձայն՝ ՀԱՄԱՍ-ի և իսրայելական կողմի միջև զինադադարի և պատանդներից մի քանիսի ազատ արձակման վերաբերյալ համաձայնագիր կստորագրվի առաջիկա օրերին։
