Ֆրանսիայի արտաքին գործերի նախարարությունը սկսել է Ռուսաստանի դեմ ԵՄ պատժամիջոցների հաջորդ փաթեթի համար նոր սահմանափակող միջոցառումների առաջարկներ պատրաստել։ Այս մասին հայտարարել է Ֆրանսիայի արտաքին գործերի նախարար Ժան-Նոել Բարոն France Inter ռադիոկայանի եթերում։
«Անցյալ հինգշաբթի, ԵՄ-ի հետ համատեղ, մենք ընդունեցինք պատժամիջոցների լայնածավալ փաթեթ՝ Ռուսաստանին ստիպելու դադարեցնել կրակը։ Եվ մենք կգնանք ավելի հեռու, քանի որ ես արդեն խնդրել եմ իմ թիմերին պատրաստել պատժամիջոցների նոր, ավելի խիստ փաթեթ»,-ասել է նա։
Նախարարը պարզաբանել է, որ խոսքը ԵՄ մակարդակով պատժամիջոցների մասին է, և ոչ թե կոնկրետ Ֆրանսիայի, քանի որ միայն Համագործակցության բոլոր երկրների համակցված տնտեսական կշիռը թույլ է տալիս նրանց ԱՄՆ-ի հետ համակարգված կերպով Ռուսաստանի Դաշնության վրա ճնշում գործադրելու փորձեր իրականացնել։
Նա հավելել է, որ ակնկալում է եվրոպական պատժամիջոցների նոր փաթեթի արագ ընդունում, որը պատրաստվում է Ֆրանսիայի ակտիվ մասնակցությամբ, և հիշեցրել է, որ Փարիզը «պատասխանատու էր մայիսին ընդունված պատժամիջոցների 17-րդ փաթեթի համար»։
