Վերջին 24 ժամվա ընթացքում Գազայում սպանվել է առնվազն 115 պաղեստինցի, այդ թվում՝ 92 մարդ, որոնք գնդակահարվել են բաշխման կետերում սննդամթերք ստանալ փորձելիս, հաղորդում է Կատարի «Ալ Ջազիրա» հեռուստաալիքը։
Զինվորականները սպանել են 79 մարդու, որոնք օգնություն էին սպասում անկլավի հյուսիսում գտնվող Զիկիմի անցակետում, և ևս 13 մարդու՝ Ռաֆահի և Խան Յունիսի օգնության բաշխման կետերում, որոնք գտնվում են գոտու հարավում։
Գազայի առողջապահության իշխանությունները հայտարարել են անցած օրվա ընթացքում սովից 19 մահվան դեպքի մասին: Ավելի վաղ «Ալ Ջազիրան»՝ հղում անելով Գազայի առողջապահության նախարարությանը, հաղորդել էր, որ գոտու հիվանդանոցների շտապօգնության բաժանմունքները լցված են աննախադեպ թվով սովյալներով:
2025 թվականի մարտի 2-ից ի վեր Գազայի հատված միջազգային մարդասիրական օգնություն չի մտել, բոլոր անցակետերը փակ են մնում Իսրայելի որոշմամբ, իսկ սննդի բաշխումն իրականացվում է Իսրայելի և ԱՄՆ-ի կողմից ղեկավարվող Գազայի մարդասիրական հիմնադրամի (GHF) միավորների համակարգի միջոցով։
