Վրաստանի վարչապետ Իրակլի Կոբախիձեն կարծում է, որ «եվրոպական բյուրոկրատիայում» կան մարդիկ, ովքեր չեն կարողանում հաշտվել վրաց ժողովրդի կամքի հետ։
«Մենք տեսնում ենք, որ եվրոպական բյուրոկրատիայում կան մարդիկ, ովքեր չեն կարողանում հարմարվել վրաց ժողովրդի կամքին ի նպաստ երկրի խաղաղության և զարգացման: Բացի այդ, ԱՄՆ նախորդ վարչակազմում կային բազմաթիվ բյուրոկրատներ, որոնք նույնպես չէին կարողանում հաշտվել վրաց ժողովրդի կամքի հետ:
Հուսով եմ, որ որոշակի փոփոխություններ տեղի կունենան Միացյալ Նահանգների ուղղությամբ, մենք համբերատար սպասում ենք այս ամենին, ինչ վերաբերում է եվրոպական բյուրոկրատիային, այստեղ մեծ փոփոխություններ չկան, մենք ռազմավարական համբերության ռեժիմում ենք, և հուսով եմ, որ որոշակի փոփոխություններ տեղի կունենան նաև Եվրոպայի ուղղությամբ», - «Իմեդի» հեռուստաընկերությանը տված հարցազրույցում ասել է Կոբախիձեն։
Վարչապետը հիշեցրել է, թե ինչպես է ԵՄ դեսպան Պավել Գերչինսկին խորհրդարանական ընտրություններից առաջ ելույթ ունեցել և ուղղակիորեն կոչ արել ընտրողներին մոբիլիզացվել «Վրացական երազանքի» կառավարության դեմ։
Վրաստանի և Եվրամիության միջև հարաբերությունները վատթարացել են անցյալ տարվա մայիսին Վրաստանի խորհրդարանի կողմից օտարերկրյա գործակալների մասին օրենք ընդունելուց հետո։
