Ուզբեկստանի մասնավոր թվային «Անորբանկը» հաստատել է լրատվամիջոցների հաղորդագրությունները Փարիզում իր սեփականատիրոջ՝ տեղացի գործարար Քահրամոնջոն Օլիմովի առևանգման և նրա ազատ արձակման համար փրկագին վճարելու մասին։ Բանկի մամուլի ծառայությունը հայտնում է, որ ֆինանսական հաստատությունը շարունակում է գործել սովորականի պես։
Ավելի վաղ ֆրանսիական Monde հրատարակությունը հայտնել էր, որ անհայտ անձինք Օլիմովին առևանգել են հունիսի 23-ին Փարիզի նորաձև թաղամասերից մեկում, տեղափոխել Նիսի մոտակայքում գտնվող մի առանձնատան նկուղ, որտեղ նրան ծեծի են ենթարկել, սպառնացել բռնությամբ, ապա ազատ են արձակել փրկագին վճարելուց հետո։
«Le Monde»-ը, հղում անելով Փարիզի «Օտել-Դիե» հիվանդանոցի բժշկին, նաև հայտնել է, որ Օլիմովը միջադեպից հետո բազմաթիվ կապտուկներ և վնասվածքներ է ստացել։
