Վաշինգտոնը վերացրել է էթանի՝ պլաստմասսայի արտադրության մեջ օգտագործվող բնական գազի բաղադրիչի, Չինաստանին մատակարարման սահմանափակումները, հուլիսի 2-ին հաղորդել է Reuters-ը։
Ամերիկյան ընկերությունները ԱՄՆ Առևտրի նախարարությունից թույլտվություն են ստացել էթանը Չինաստան մեկնող նավերի վրա բեռնելու համար։ Սակայն դրա բեռնաթափման համար դեռևս անհրաժեշտ կլինի Վաշինգտոնի առանձին թույլտվությունը։
Ինչպես նշում է գործակալությունը, Միացյալ Նահանգները Չինաստանին էթանի մատակարարումների լիցենզավորման սահմանափակումներ է սահմանել ընդամենը մի քանի շաբաթ առաջ։ Դրանց վերացումը վկայում է Պեկինի և Վաշինգտոնի միջև առևտրային վեճերի կարգավորման գործում առաջընթացի մասին։
Ռոյթերսի տվյալներով՝ ԱՄՆ-ի էթանի արտահանման կեսը գնում է Չինաստան, ուստի, առաքումների դադարեցումը ոչ մի կողմի շահերից չէր բխում։ Էթան տեղափոխող առնվազն ութ նավ ներկայումս ուղևորվում է Չինաստան՝ հունիսին սահմանափակումների սահմանումից հետո Մեքսիկական ծոցի ափին արգելափակված մնալուց հետո։
