Անտառային հրդեհների ծխին ենթարկվելը կարող է ավելացնել թոքերի քաղցկեղով հիվանդների մահվան ռիսկը, հատկապես նրանց համար, ովքեր երբեք չեն ծխել։ Այս մասին վկայում են Կալիֆորնիայում անցկացված լայնածավալ ուսումնասիրության տվյալները, որոնք ներկայացվել են Շիկագոյում կայացած բժշկական համաժողովում, փոխանցում է Reurters-ը։
Հետազոտողները հետևել են ավելի քան 18,000 ոչ փոքր բջջային թոքերի քաղցկեղով հիվանդներին, որոնց մոտ հրդեհներից առաջացած օդի աղտոտման մակարդակը բարձր էր՝ նրանց քաղցկեղի ախտորոշումից հետո առաջին տարում։ Պարզվել է, որ այս հիվանդների մոտ հիվանդությունից մահանալու հավանականությունը 20%-ով ավելի բարձր է եղել, իսկ եթե նրանք գտնվում էին 4-րդ փուլում և երբեք ծխած չէին, այդ ռիսկը հասել է մինչև 55%-ի։
Մասնագետների խոսքով՝ հրդեհներից առաջացած ծուխը շատ ավելի վտանգավոր է, քան սովորական օդի աղտոտումը, քանի որ պարունակում է հողակտորների, կենսաբանական նյութերի, քիմիական միացությունների, մետաղների և պլաստիկի մասնիկներ։ «Անհրաժեշտ են հատուկ առողջապահական ռազմավարություններ՝ նման հիվանդների պաշտպանության համար», — ընդգծել է հետազոտության ղեկավար Սուրբի Սինգհալը՝ Կալիֆորնիայի Դեյվիսի համապարփակ քաղցկեղային կենտրոնից։
