Քաղաքաշինության կոմիտեի նախագահ Եղիազար Վարդանյանը կոմիտեում հյուրընկալել է ընդունելության համար գրանցված քաղաքացիներին։
Կոմիտեի ղեկավարը, տեղակալը, խորհրդականը և պատասխանատու ստորաբաժանումների ներկայացուցիչները լսել են քաղաքացիների հարցերը, որոնք վերաբերել են կառուցապատման նախագծերին և բնակարանային ապահովմանը։
Կոմիտեի նախագահը կարևորել է կառուցապատման ծրագրերի իրագործման ժամանակ հարակից տարածքների սեփականատերերի իրավունքների պաշտպանությունը։ Առաջարկվել են հարցի լուծման տարբերակներ` քննարկելով նաև համակարգային մոտեցում ցուցաբերելու հնարավորությունը։
Կոմիտեի մասնագետներին հանձնարարվել է քաղաքացիներին պարզաբանել քաղաքաշինական գործող ընթացակարգերը։
