Ուկրաինայի հետ բանակցություններում պատվիրակությունը գլխավորել է ՌԴ նախագահի օգնական Վլադիմիր Մեդինսկին, հաղորդում է Կրեմլի կայքը։
«Հաստատել Ուկրաինայի հետ բանակցությունների համար Ռուսաստանի Դաշնության պատվիրակության հետևյալ կազմը՝ Վլադիմիր Ռոստիսլավովիչ Մեդինսկի՝ ՌԴ նախագահի օգնական (պատվիրակության ղեկավար)»,- ասված է հաղորդագրությունում։
Ավելի վաղ Radio NV-ն՝ վկայակոչելով աղբյուրներին, հայտնել էր, որ ուկրաինական պատվիրակության կազմում, որը Վլադիմիր Զելենսկիի հետ կմեկնի Թուրքիա՝ Ռուսաստանի հետ բանակցություններ վարելու, ներկա կլինեն նրա գրասենյակի ղեկավար Անդրեյ Երմակը, գրասենյակի ղեկավարի տեղակալ Իհոր Ժովկվան, պաշտպանության նախարար Ռուստեմ Ումերովը և Ուկրաինայի արտաքին գործերի նախարար Անդրեյ Սիբիհան։
