Բուրկինա Ֆասոյի նախագահ Իբրահիմա Տրաորեն «ՌԻԱ Նովոստի»-ին ասել է, որ ծրագրում է ՌԴ առաջնորդ Վլադիմիր Պուտինի հետ քննարկել պաշտպանության, կրթության և գիտության ոլորտներում համագործակցության հարցերը, ինչպես նաև միջազգային օրակարգը։
«Մենք կքննարկենք համագործակցության հարցեր, կանդրադառնանք պաշտպանության և անվտանգության, ինչպես նաև կրթության ոլորտում համագործակցության ասպեկտներին»,-ասել է նա գործակալության հետ զրույցում։
Նրա խոսքով՝ խոսքը Բուրկինա Ֆասոյի ուսանողների վերապատրաստման մասին է։
«Կարծում եմ՝ մենք ունենք մեկ տեսլական՝ ազատ, բազմաբևեռ աշխարհ, որտեղ մարդիկ անկախ են, ինքնիշխան և կարող են անել այն, ինչ ուզում են: Սրանք այն հարցերն են, որոնք կքննարկվեն»,- ընդգծել է Տրաորեն։
