Երևանի արտահերթ ընտրությունն առավել քան արդիական է, պահանջված օրակարգ է և, կարծես, քաղաքական կոնսենսուս կա. Երևանի ավագանու նիստի ժամանակ հայտարարեց «Մայր Հայաստան» խմբակցության ղեկավար Մանուկ Սուքիասյանը։
Նա քաղաքապետ Տիգրան Ավինյանին մեղադրեց, որ նախորդ բոլոր ոլորտներում, որտեղ էլ որ եղել է՝ մշտապես ձախողել է։ «Քրեական գործերի ուրվականներն ուղեկցում են ձեզ»,-ասաց Սուքիասյանը և թվարկեց՝ «10 մլրդ դրամ մսխվել է ԱՆԻՖ-ի գործով՝ մեղադրյալ չկա, քովիդի շրջանում մսխվել են գումարներ՝ մեղադրյալ չկա, և նույնը քաղաքապետարանում»։
«Քաղաքական կառավարումը տապալված է և այսօր առավել քան կարևոր է արտահերթ ընտրությունը»,-նշեց նա։
