Սան Ֆրանցիսկոյի Կալիֆոռնիայի համալսարանի գիտնականները պարզել են, որ կանացի հորմոնները կարող են ճնշել ցավը՝ ստիպելով ողնուղեղի մոտ գտնվող իմունային բջիջները օփիոիդներ արտադրել: Այս նյութերը արգելափակում են ցավի ազդանշանները՝ նախքան ուղեղ հասնելը: Հետազոտությունը հրապարակվել է Science ամսագրում։
Աշխատանքի շրջանակներում գիտնականներն ուսումնասիրել են մկների ողնուղեղի թաղանթների T-կարգավորող բջիջները: Նախկինում ենթադրվում էր, որ այս թաղանթները պաշտպանում են կենտրոնական նյարդային համակարգը և հեռացնում թափոնները, այժմ ապացուցվել է, որ ներգրավված են իմունային համակարգի և նեյրոնների միջև ազդանշանների փոխանցման մեջ, որոնք զգում են մաշկի սենսացիաները:
Երբ մաշկին մոտ գտնվող նեյրոնը հայտնաբերում է պոտենցիալ ցավոտ գրգռիչ, այն ազդանշան է փոխանցում ողնուղեղին: Կրծողների ողնուղեղի ստորին հատվածում գիտնականները հայտնաբերել են մեծ քանակությամբ T-կարգավորող բջիջներ։ Նրանց դերը որոշելու համար նրանք ոչնչացրել են այդ բջիջները թույնով։
Արդյունքներն անսպասելի էին. էգ մկներն առանց T-կարգավորող բջիջների դարձան ավելի զգայուն ցավի նկատմամբ, մինչդեռ արուները փոփոխություններ չցուցաբերեցին: Սա խոսում է այն մասին, որ կանանց մարմինն ավելի շատ հենվում է այս մեխանիզմի վրա՝ ցավը վերահսկելու համար:
Լրացուցիչ փորձերը բացահայտեցին կապը T-կարգավորող բջիջների և կանացի հորմոնների միջև. գիտնականները պարզեցին, որ էստրոգենը և պրոգեստերոնը խթանում են էնկեֆալինի արտադրությունը՝ բնական ցավազրկող:
Թեև այս գործընթացի հիմքում ընկած մեխանիզմը դեռ ամբողջությամբ չի հասկացվել, հետազոտողները կարծում են, որ նրանց հայտնագործությունը կարող է հանգեցնել ցավի բուժման նոր մեթոդների: Հաշվի առնելով, որ սեռը ազդում է դեղերի արձագանքման վրա (օրինակ, միգրենի որոշ դեղամիջոցներ ավելի լավ են գործում կանանց մոտ), բացահայտումները կարող են օգնել բժիշկներին ավելի արդյունավետ բուժումներ կատարել հիվանդների համար՝ ելնելով սեռային տարբերություններից:
Թարգմանությունը՝ Euromedia24.com-ի
