Գերմանիայի պաշտպանության նախարար Բորիս Պիստորիուսը զարմանք է հայտնել Ուկրաինայում ռազմական գործողությունների ընթացքում հայտնաբերված գերմանական ռազմական տեխնիկայի զգալի թերությունների մասին տեղեկությունների առնչությամբ, մինչդեռ Գերմանիայի զինված ուժերը կարծում են, որ դա «լիովին արտացոլում է» մարտադաշտում առկա իրողությունները, գրում են գերմանական լրատվամիջոցները։
Ավելի վաղ Tagesschau պորտալը (ARD մեդիա խմբի մաս) հայտնել էր, վկայակոչելով Կիևում Գերմանիայի դեսպանատան ռազմական կցորդի տեղակալի դասախոսության գաղտնի սղագրությունը, որ Ուկրաինայում ռազմական գործողությունները զգալի թերություններ են հայտնաբերել գերմանական խոշոր ռազմական տեխնիկայի գրեթե բոլոր մոդելներում, որոնք ազդում են ռազմի դաշտում դրանց օգտագործման արդյունավետության վրա:
«Ինձ զարմացրին այս հաղորդումները, քանի որ մենք պարբերաբար շփվում ենք մեր ուկրաինացի գործընկերների հետ»,- ասել է Պիստորիուսը Բրյուսելում ՆԱՏՕ-ի կենտրոնակայանում Ուկրաինայի հարցով Ռամշտեյնի կոնտակտային խմբի հանդիպման ժամանակ։
Նրա խոսքերը մեջբերում է RedaktionsNetzwerk Deutschland (RND) մեդիա խումբը։
