Գազայի հատվածի հիվանդանոցները բախվում են դեղերի և բժշկական պարագաների զգալի պակասի: Այս մասին հայտնում է իրանական Tasnim գործակալությունը՝ վկայակոչելով պաղեստինյան անկլավի առողջապահության նախարարության տվյալները։
Գազայի հիվանդանոցներում առաջին անհրաժեշտության դեղամիջոցների պաշարներն ամբողջությամբ սպառվել են, մասնավորապես, «սպառվել են առաջին անհրաժեշտության բժշկական պարագաների 59 տոկոսը, քաղցկեղի ու արյան հիվանդությունների համար նախատեսված դեղամիջոցների 54 տոկոսը»։
Շաքարային դիաբետով ավելի քան 80 հազար հիվանդ և խրոնիկ բարձր ճնշում ունեցող 110 հազար մարդ չի կարող կենսական նշանակության դեղամիջոցներ ստանալ։Գազայի հատվածի Առողջապահության նախարարությունը հայտարարել է, որ ճգնաժամը պայմանավորված է Իսրայելի որոշմամբ՝ փակել անցումները դեպի անկլավ և արգելել մարդասիրական օգնությունը, ներառյալ՝ բժշկական պարագաներն ու դեղորայքը հիվանդանոցների և կլինիկաների համար:
