Իրանը կդադարեցնի համագործակցությունը Ատոմային էներգիայի միջազգային գործակալության (ՄԱԳԱՏԷ) հետ և երկրից վտարելու գործակալության բոլոր տեսուչներին, եթե ԱՄՆ-ը և Իսրայելը շարունակեն սպառնալ Իսլամական Հանրապետությանը ռազմական ուժով։
Այս մասին հայտարարել է Իրանի գերագույն առաջնորդ այաթոլլա Ալի Խամենեիի քաղաքական հարցերով խորհրդական, Իսլամական հեղափոխության պահապանների կորպուսի գեներալ Ալի Շամխանին։
«Իրանի վրա շարունակվող արտաքին սպառնալիքները և ռազմական հարձակման փորձերը կարող են հանգեցնել կանխարգելիչ միջոցների կիրառմանը, ինչպիսիք են Ատոմային էներգիայի միջազգային գործակալությունից տեսուչների վտարումը և նրա հետ համագործակցության դադարեցումը։
Մեկ այլ միջոց կարող է լինել հարստացված ուրանի տեղափոխումը Իրանի ներսում անվտանգ և անհայտ վայրեր», - գրել է նա X-ում՝ ավելացնելով «Trusrael» հեշթեգերը։
Մարտի 7-ին ԱՄՆ նախագահ Դոնալդ Թրամփը հայտարարեց, որ ուղերձ է հղել Խամենեին՝ առաջարկելով բանակցություններ վարել միջուկային ծրագրի շուրջ։ Թեհրանը հրաժարվեց ԱՄՆ-ի հետ ուղիղ երկխոսությունից, սակայն թույլ տվեց բանակցությունները շարունակել միջնորդների միջոցով։
