Տիգրան Վարդանյանը գրում է.
«Հերթական ստի բացահայտումը կամ Նիկոլի Սարիկի ցանկացած իշխանության տակ պառկելու ձգտումը:
Գյումրի քաղաքի քաղաքապետի ԺՊ Սարիկ Մինասյանը (Նիկոլի Սարիկը), ինչպես նաև քաղաքապետի ընտրություններին ՔՊ-ի քաղաքապետի թեկածուն ստում է, որ չի եղել Հանրապետական կուսակցության անդամ:
Կից տեղադրում եմ փաստաթուղթ, որն ապացուցում է Սարիկի ստախոս լինելը: Թե բա պատասխանատվությամբ հայտարարում եմ, որ նման բան չի եղել: Իրո՞ք: Սարիկը 2018թ.-ից առաջ հանրապետական էր, իսկ արդեն 2018-ից դարձել էր Էդմոն Մարուքյանի թիմի անդամ, հետո անկուսակցական, իսկ հետո 3 օրում ՔՊ-ական:
Իհարկե, ես անձամբ շատ շնորհակալ եմ Սարիկին ու սարիկանմաններին, որ իրենց գարշելի ներկայությունից ազատել են մեզ` հանրապետականներիս, ի ցույց դնելով իրենց կարերիստ ու հանուն փողի, դիրքի ու իշխանության ամեն ինչ ուրացող իրենց տեսակը: Ես շատ ուրախ եմ, որ իմ կուսակցությունը բյուրեղացել ու ինքնամաքրվել է Սարիկից ու սարիկանմաններից: Մարդկանց տեսակից է մաքրվել, ում պատճառով տարիներ շարունակ իմ կուսակցության անունն է ընկել: Այո´, մենք ենք մեղավոր, որ հավատացել կամ հանդուրժել ենք այս տեսակին, բայց նման բան այլևս երբեք չի լինելու:
Սիրելի գյումրեցիներ, ես գիտեմ, որ Գյումրիում տոտալ մեծամասնությունը թասիբով մարդիկ են ու նման ստախոս, ճամբարափոխ մարդկանց տանել չեն կարողանում ու վստահ եմ, որ գալիք ընտրություններում դուք դա ևս մեկ անգամ կապացուցեք:
Սարիկ, խորտակվող նավից առնետների փախչելը նորմալ է, բայց ինչպես տեսնում ես առնետները փախան, իսկ նավը չխորտակվեց: Ավելի լավ էր մնալ սկզբունքային ու «մերժված» հանրապետական, քան դավաճան ու Նիկոլի Սարիկ»:
