Օջալանի ուղերձը պատմական էր այն իմաստով, որ նա հրաժարվեց թուրքական պետության դեմ այն պայքարից, որն ինքն էր սկսել դեռևս 1980-ականների սկզբին: Այս մասին Euromedia24-ի հետ զրույցում նշեց Հայաստանի եզդի համայնքի ակտիվ ներկայացուցիչ, քաղաքական մեկնաբան Բորիս Մուրազին՝ խոսելով PKK-ի հիմնադիր Աբդուլլա Օջալանի ուղերձի մասին:
Հիշեցնենք, որ փետրվարի 27-ին PKK-ի՝ Քրդստանի աշխատավորական կուսակցության հիմնադիր, 1999 թվականից Իմրալի կղզում բանտարկված Աբդուլա Օջալանը, ինչպես նախապես հայտարարվել էր, հանդես է եկել այսպես ասած՝ «դարի ուղերձով»՝ իր կուսակիցներին կոչ անելով վայր դնել զենքերը և համագումար հրավիրել՝ կուսակցության ինքնալուծարման որոշում ընդունելու նպատակով:
Օջալանը հիմնադրել է PKK-ն իր համախոհների հետ 1978 թվականին, իսկ զինված պայքարը Թուրքիայի դեմ սկսել է 1984-ին: Քրդերի առաջնորդը ձերբակալվել է թուրքական հատուկ ծառայությունների կողմից 1999 թ. փետրվարին Քենիայի մայրաքաղաք Նայրոբիում և տեղափոխվել Իմրալի կղզու բանտ:
Մանրամասները՝ տեսանյութում:
Հեղինակ՝ Արամ Սարգսյան
