Սերբիան հավատարիմ է մնում ԵՄ անդամակցությանը, սակայն չի հրաժարվի Ռուսաստանի հետ ավանդաբար լավ հարաբերություններ պահպանելուց՝ իր քաղաքացիների ցանկություններին համապատասխան։ Այս մասին ՌԴ ԱԳ նախարար Սերգեյ Լավրովի հետ Մոսկվայում կայացած համատեղ մամուլի ասուլիսում հայտարարել է Սերբիայի արտգործնախարար Մարկո Ջուրիչը, գրում է ՏԱՍՍ-ը։
«Սերբիայի քաղաքացիները հավատարիմ են նրան, որ Սերբիան մի կողմից, ինչպես նշեցի, երկիր է, որը 25 տարի ձգտում է ԵՄ անդամակցությանը, ինչպես նաև ձգտում է լավ հարաբերությունների Եվրոպայի հետ։
Նույն կերպ, Սերբիայի քաղաքացիների ցանկություններին համապատասխան, Ռուսաստանի Դաշնության հետ պատմական հարաբերությունների ոգով, ինչի մասին ես արդեն խոսել եմ, պետք է լավ հարաբերություններ պահպանենք ապագա սերունդների համար, որակյալ հարաբերություններ Ռուսաստանի Դաշնության և միջազգային ասպարեզում այլ գործընկերների հետ»,- նշել է Ջուրիչը։
