ԱՄՆ-ի Լոս Անջելես շրջանը կրկին բախվել է բնական աղետների՝ հրդեհներից հետո շրջանը ծածկվել է ջրհեղեղներով և սողանքներով։ Այս մասին գրում է New York Post թերթը։
Պարբերականի տեղեկություններով՝ պատճառը հորդառատ անձրեւն է եղել։
Վարչաշրջանի որոշ հատվածներում ջրի մակարդակը բարձրացել է մինչև 48 դյույմ (120 սմ) Վերջին զեկույցները ցույց են տալիս, որ մինչ այժմ տուժած տարածքը ներառում է շրջանի կենտրոնը, Մալիբուի մի մասը, Սան Ֆերնանդո և Սան Գաբրիել հովիտները, ինչպես նաև Արևելյան Լոս Անջելեսը, Լոս Անջելեսի հարավ-արևելյան շրջանները, Գաբրիել լեռները:
ԱՄՆ Ազգային օդերեւութաբանական ծառայությունը նախազգուշացրել է մոտալուտ կատակլիզմների մասին։ Gazeta.ru-ի փոխանցմամբ՝գիտնականներն ասում են, որ Հարավային Կալիֆորնիայում սպասվում են սեզոնի ամենաառատ տեղումները: Հունվարին մոլեգնող անտառային հրդեհներից հետո ողջ տարածաշրջանում տեղադրվել են ջրհեղեղի հետևանքների դիտակետեր:
Հունվարի 7-ին Լոս Անջելեսի արևմուտքում քամուց առաջացած անտառային հրդեհ է սկսվել: Հրդեհի մակերեսը գերազանցել է 11 հազար հեկտարը։ Կալիֆոռնիայի հրդեհները դարձել են նահանգի պատմության մեջ ամենակործանարարը։
ԱՄՆ նախկին նախագահ Ջո Բայդենը մեծ աղետ է հայտարարել. Նախնական տվյալներով՝ Կալիֆոռնիայում անտառային հրդեհների վնասը կարող է հասնել 135-150 մլրդ դոլարի։
Թարգմանությունը՝ Euromedia24.com-ի
