Պարտադի՞ր է, որ բարի ցանկությունների համար Հայաստանն աշխարհաքաղաքական փակուղու առաջ կանգնի։
Այս մասին ԱԺ-ում ասաց «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով ՀՀ-ի ԵՄ-ին անդամակցելու գործընթացի մեկնարկի մասին հանրային օրինագծին։
Մամիջանյանը հիշեցրեց, որ Ալեն Սիմոնյանը հայտարարում էր, թե ՔՊ-ն Հայաստանի պատմության մեջ ամենառուսամետ իշխանությունն է, բայց ներկայում հայ-ռուսական հարաբերությունների պատմական մինիմում կա։
«Նիկոլ Փաշինյանը հայտարարում է «ռեգիոնալացում», «տարածաշրջայնացում», արդյունքում պատերազմի ժամանակ մեր հարևան Իրանը և Վրաստանը, փակում են իրենց օդային տարածքը»,- ասաց Մամիջանյանը։
Նա նշեց, որ ԵԽ-ի Աֆետի զեկույցում նույնիսկ ակնարկ չկա, որ Հայաստանին ԵՄ–ում սպասում են և կոչ արեց գոնե նախկին իշխանության ընդունած ՍԵՊԱ-ն իմպլեմենտացնեն, այլ ոչ թե խայտառակ ձևով իրականացնեն։
