«Պարոն Սիմոնյան, ե՞րբ եմ վերադառնալու Արցախ, հնարավորություն կունենամ իմ հայրենիքը տեսնել»,– նման հարց արցախցի լրագրողն ուղղեց ԱԺ նախագահ Ալեն Սիմոնյանին։
«Երբ որ անվտանգ լինի, իհարկե։ Երբ որ խաղաղության պայմանագիր կկնքենք, երբ հարաբերությունները կկարգավորենք, այդ հարցը կբարձրացվի»,– ասաց նա։Հարցին, թե ինչու է հրաժարվում «Արցախ» բառից և ասում «Ղարաբաղ», Սիմոնյանը պատասխանեց․
«Ես քաղաքական գործիչ եմ և դեմ եմ, որ, օրինակ, ինչ–որ այլ երկրի քաղաքացի իմ քաղաքներից մեկն անվանի թուրքական, ադրբեջանական անուններով և պետք է քաղաքական գործչի էթիկան պահպանեմ»։
Սիմոնյանը նաև արցախցի լրագրողնին ասաց․ «Դուք դուրս եկաք այնտեղից, որովհետև անվտանգ չէր, չնայած կարելի էր մնալ ու պայքարել մինչև վերջ այն զենքերով, որը ՀՀ-ն թողել էր: Պետք էր կռվել, Հայաստանը կռվել է, բերեցիք հաճո իշխանություն, ով օրեր անց ստորագրեց այդ պետության վերացման մասին»:
