Ադրբեջանական լրատվամիջոցները հայտնում են, որ այցով Թուրքիայում գտնվող Ադրբեջանի պաշտպանության փոխնախարար-ցամաքային զորքերի հրամանատար, գեներալ Հիքմաթ Միրզոևը հանդիպել է Թուրքիայի ԶՈւ գլխավոր շտաբի պետ, գեներալ Մեթին Գուրաքի հետ։
«Հանդիպման ժամանակ բանակի գեներալ Մեթին Գյուրակն ընդգծել է Ադրբեջանի և Թուրքիայի միջև բարեկամական և եղբայրական հարաբերությունների դրական ազդեցությունը ռազմական համագործակցության զարգացման վրա՝ վստահություն հայտնելով համատեղ գործողությունների հետագա ընդլայնման հարցում։
Պաշտպանության փոխնախարարը շնորհակալություն է հայտնել հյուրընկալության համար և կիսվել այցի ընթացքում ունեցած հանդիպումներից ստացած դրական տպավորություններով։
Հանդիպմանը մտքերի հանգամանալից փոխանակում է տեղի ունեցել ռազմական, ռազմատեխնիկական, ռազմակրթական և այլ ոլորտներում համագործակցության հեռանկարների, ինչպես նաև փոխադարձ հետաքրքրություն ներկայացնող հարցերի շուրջ»,- ասված է հաղորդագրությունում։
