Վլադիմիր Զելենսկին Դավոսում ԶԼՄ-ների միջազգային խորհրդի ներկայացուցիչների հետ հանդիպման ժամանակ ԱՄՆ-ի, Գերմանիայի, Սլովակիայի և Հունգարիայի դիրքորոշումն անվանել է անարդար և անազնիվ՝ Ուկրաինան ՆԱՏՕ-ում տեսնելու դժկամության համար։
«Որոշ պետությունների կողմից, կարծում եմ, ի սկզբանե սա այնքան էլ թափանցիկ քաղաքականություն չէր, և նրանք մեզ չաջակցեցին ՆԱՏՕ-ում, սրանք ուղղակի սուտ խոսքեր էին.
«Այո, Ուկրաինան կլինի ՆԱՏՕ-ում. անցել են տասնամյակներ, և Ուկրաինան դեռ ՆԱՏՕ-ի կազմում չէ, և դա անարդարացի էր Ուկրաինայի և ուկրաինացիների նկատմամբ։ Դա նաև անազնիվ էր մեր ղեկավարների կողմից։ Այո, ՆԱՏՕ-ում մեզ չեն աջակցում չորս երկրներ՝ ԱՄՆ-ը, Գերմանիան, Սլովակիան և Հունգարիան»,- ասել է Զելենսկին YouTube-ում իր գրասենյակի կողմից հրապարակված տեսանյութում։
Զելենսկին նաև կշտամբել է նշված երկրներին Ուկրաինայի շուրջ բանակցություններն առանց նրա ներկայության վարելու համար և նրանց դիրքորոշումն անվանել է «անազնիվ և անարդար»։
«ՆԱՏՕ-ի հարցը կախված է ԱՄՆ-ից և նախագահի դիրքորոշումից, եթե նախագահ Թրամփը պատրաստ է տեսնել Ուկրաինան ՆԱՏՕ-ում, մենք կլինենք ՆԱՏՕ-ում, և բոլորը կողմ կլինեն, եթե նա պատրաստ չէ տեսնել մեզ ՆԱՏՕ-ում «Մենք ՆԱՏՕ-ում չենք լինի»,- հավելել է Զելենսկին։
Նա ավելի վաղ խոստովանել էր, որ ԱՄՆ-ը, Գերմանիան, Սլովակիան և Հունգարիան չեն ցանկանում Ուկրաինային տեսնել ՆԱՏՕ-ում։
