ԱԺ նիստերի դահլիճում պատգամավորներ Գառնիկ Դանիելյանի և Վահագն Ալեքսանյանի միջև լարված խոսակցություն է տեղի ունեցել բանակում առկա խնդիրների վերաբերյալ։
Այս մասին այսօր՝ հունվարի 21-ին, լրագրողների հետ ճեպազրույցում ասաց ԱԺ «Հայաստան» խմբակցության անդամ Գառնիկ Դանիելյանը։
«Կարծում եմ՝ բոլոր այն մարդիկ, որոնք բանակի հետ առնչություն ունեն, գիտեն ինչ խնդիրների մասին է խոսքը. համազգեստի, երկարաճիտ կոշիկների, և այլ խնդիրների մասին եմ բարձրաձայնել իմ ելույթում։ Ես իմ ելույթի մեջ նշեցի, որ պատգամավորներ կան, որոնք ասում են, որ նախկինում իրենք բանակում խնդիրների են բախվել, բայց հիմա էլ այդ նույն խնդիրները կան»,–նշեց Գառնիկ Դանիելյանը։
Լրագրողի ճշտող հարցին, թե ինչու՞ է ՔՊ–ական պատգամավոր Վահագն Ալեքսանյանին բարկացրել այդ ելույթը, Գառնիկ Դանիելյանը պատասխանեց.
«Բանակի կազմավորումից ի վեր խնդիրներ են եղել, որոնք տարբեր ժամանակահատվածում հուզել են հասարակությանը, և իմ բարձրացրած հարցն էլ հենց դրա մասին էր, թե ինչ անենք, որ այդ խնդիրները լուծենք։
Նրանք կրկին նախկին իշխանություններին են մեղադրում։ Արդեն 7 տարի իշխանության են այդ մարդիկ և իրավունք չունեն անընդհատ նախկիններին մեղադրել ու այդ խնդիրները չլուծել»։
