«Տարբեր վարկածներ եմ լսել վերջին օրերին տեղի ունեցող իրադարձությունների հետ կապված։ Ես, իհարկե, չեմ կարող մեկնաբանել ՌԴ նախագահի գործողությունները։
Իսկ արդյոք կարո՞ղ էին այնպես անել, որ դա այդպես չլիներ, չգիտեմ։
Իհարկե լավ կլիներ, որ չլիներ այն, ինչ եղավ, բայց ունենք այն, ինչ ունենք»,- այս մասին այսօր՝ հունվարի 20-ին, ԱԺ-ում լրագրողների հետ զրույցում ասաց ԱԺ «Հայաստան» դաշինքի պատգամավոր Լևոն Քոչարյանը՝ անդրադառնալով հարցին, թե ՌԴ նախագահ Պուտինը ինչու՞ թողեց, որ Արցախի ղեկավարները գերի ընկնեն»։
Ինչ վերաբերում է հարցին, թե ՌԴ-ն կարո՞ղ էր այնպես անել, որ Արցախի ռազմաքաղաքական ղեկավարները գերիները չընկնեին․ «Հնարավորության դեպքում ՌԴ-ն ամեն բան կաներ, որ նման իրավիճակ չստեղծվեր։ Սա լուրջ հարված էր նաև ՌԴ հեղինակությանը, չեմ կարծում, որ սա մի սցենար էր, որը նրանք կուզենային, որ լիներ։
Տրամաբանական տեսանկյունից՝ չեմ կարծում, որ իրենց համար լավ իրավիճակ է ստեղծվել»,- հավելեց Քոչարյանը։
Խոսելով իր՝ ՌԴ-ի «դաբրոյով» ՀՀ վարչապետ դառնալու մասին Քոչարյանը նշեց․ «Չեմ կարծում, որ ինչ-որ երկրի դաբրոյով պետք է այստեղ որոշվեն քաղաքական գործընթացները և թե ով ինչ լինի»,- ընդգծեց Լևոն Քոչարյանը՝ եզրափակելով, որ ինքը որևէ հավակություն չունի այնպես, ինչպես չուներ պատգամավոր դառնալու։
