Սպիտակ տան ընտրված ղեկավար Դոնալդ Թրամփը ժամանել է Վաշինգտոն, որտեղ հունվարի 20-ին տեղի կունենա նրա երդմնակալության արարողությունը։ Այս մասին հայտնում է CBS News հեռուստաալիքը։
Հեռուստաալիքի տվյալներով՝ Թրամփը ժամանել է կնոջ՝ Մելանյայի և կրտսեր որդու՝ Բարոնի հետ։
«Թրամփը Վաշինգտոն է ժամանել հունվարի 18-ին՝ իր երդմնակալությանը նախորդող միջոցառումները սկսելու համար»,- նշում է CBS News-ը։
Հեռուստաալիքը պարզաբանում է, որ շաբաթ երեկոյան նորընտիր նախագահի ինքնաթիռը վայրէջք է կատարել Վաշինգտոնի օդանավակայանում։
Սրանից անմիջապես հետո Թրամփն ընտանիքի հետ գնացել է իր գոլֆի ակումբ։ Տեղի է ունեցել հանդիսավոր ընթրիք և հրավառություն։
CBS News-ը հավելում է, որ Թրամփը հունվարի 19-ին մասնակցելու է Արլինգթոնի ազգային գերեզմանատանը ծաղկեպսակ դնելու արարողությանը։
Դրանից հետո նա կուղեւորվի «Capital One» սպորտային արենա՝ ցուցադրության։
