Մոսկվան աշխատում է ռուսական էներգետիկ ոլորտի դեմ ԱՄՆ պատժամիջոցներին պատասխանելու վրա և միջոցներ կձեռնարկի, որոնք կբավարարեն երկրի և ընկերությունների շահերը, լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը։
Նա ընդգծել է, որ Կրեմլը վերլուծում է իրավիճակը։
«Մենք խոսում ենք այն միջոցների ձեռնարկման մասին, որոնք նվազագույնի կհասցնեն այդ միջոցառումների հետևանքները, և որոնք լավագույնս կծառայեն մեր երկրի, առաջին հերթին և մեր ընկերությունների շահերին»,-Euromedia24.com-ի փոխանցմամբ՝ նշել է Պեսկովը։
Հարցին, թե արդյոք Մոսկվան կարձագանքի նմանատիպ սահմանափակումներին, նա պատասխանեց, որ «ոչինչ չի կարելի բացառել»։
Հունվարի 10-ին ԱՄՆ-ը նոր պատժամիջոցներ է սահմանել Ռուսաստանի էներգետիկ ոլորտի նկատմամբ։ Սահմանափակումները, մասնավորապես, վերաբերել են «Գազպրոմ Նեֆթ»-ի, «Լուկօյլ»-ի, «Տատնեֆտ»-ի, «Աչիմգազի», «Ռուսկագբուրենիյեի» և «Լայավոժնեֆտեգազ»-ի ղեկավարներին:
ՌԴ նախագահի մամուլի քարտուղար Դմիտրի Պեսկովը հայտարարել է, որ այս կերպ ԱՄՆ ներկայիս նախագահ Ջո Բայդենի վարչակազմը փորձում է ծանր ժառանգություն թողնել Մոսկվայի հետ հարաբերություններում, որով պետք է զբաղվի ԱՄՆ ընտրված առաջնորդ Դոնալդ Թրամփի կառավարությունը
