Դեկտեմբերի 8-ին «Գոյ» թատրոնի փակ դռների դիմաց դերասաններն ու ստեղծագործական անձնակազմը նշել է թատրոնի ծննդյան 36-րդ տարեդարձը: «Միջոցառման ընթացքում ազդարարեցինք մեր նստացույցի ավարտի մասին, որը մեկ ամիս շարունակ ցույց տվեց մեր հաստատակամությունը:
Սակայն ամեն պայքար պահանջում է փոփոխություն և զարգացում:Այժմ անցնում ենք նոր փուլ՝ շեշտը դնելով ավելի արդյունավետ և ռազմավարական քայլերի վրա:
Շնորհակալություն ենք հայտնում բոլոր նրանց, ովքեր այս ընթացքում իրենց մասնակցությամբ աջակցեցին մեր պայքարին: Մեր ստեղծագործական ճանապարհը շարունակվում է, և մենք սպասում ենք ձեր աջակցությանը նաև առաջիկա նախաձեռնություններում»,- նշված է թատրոնի ֆեյսբուքյան էջում։
Հիշեցնենք՝ ուղիղ մեկ ամիս «Գոյ» թատրոնի դերասաններն ու ստեղծագործական անձնակազմը նստացույց էր անում թատրոնի մուտքի մոտ՝ ԿԳՄՍ Նախարարությունից պահանջելով «միջանկյալ հրատապ լուծում. «Գոյ» թատրոնի աշխատանքների վերսկսումը մինչև դատարանի և իրավապահ մարմինների կողմից հարցի վերջնական լուծումը»։
Հիշեցնենք, որ կառավարության որոշմամբ «Գոյ» թատրոնը միավորվել է Գ. Սունդուկյանի անվան ազգային ակադեմիական թատրոնին, սակայն «Գոյ» թատրոնի դերասանական ու ստեղծագործական կազմը դեմ է այդ միավորմանը, իրենք ուզում են որպես առանձին թատրոն հանդես գալ, չեն ուզում գնալ ու աշխատել Սունդուկյանի անվան ակադեմիական թատրոնում։
«Գոյ» թատրոնը դատական կարգով վիճակում է կառավարության՝ Գոյ» թատրոնը Գ. Սունդուկյանի անվան ազգային ակադեմիական թատրոնին միավորելու որոշումը։
Չնայած վիճարկվող որոշմանը, հունվարի 30-ից թատրոնները համարվում են միավորված։
