ԱՄՆ-ը չի դիտարկում Ուկրաինային միջուկային զենք փոխանցելու հնարավորությունը: Այս մասին ABC հեռուստաալիքի եթերում հայտարարել է ԱՄՆ նախագահի ազգային անվտանգության գծով օգնական Ջեյք Սալիվանը:
«Դա չի քննարկվում: Մենք Ուկրաինային ուղարկում ենք տարբեր տեսակի սովորական սպառազինություն, որպեսզի նա կարողանա արդյունավետ պաշտպանվել և պայքարել Ռուսաստանի դեմ, բայց ոչ միջուկային կարողություններ»,- ասել է նա։
Սալիվանը հավելել է, որ Վաշինգտոնը կփորձի հնարավորինս շատ զենք հատկացնել Կիևին ամերիկացի ներկայիս առաջնորդ Ջո Բայդենի կառավարման մնացած 50 օրվա ընթացքում։ «Նախագահ Բայդենն ինձ հանձնարարել է վերահսկել Ուկրաինային տրամադրվող ռազմական օգնության մեծ աճը, որպեսզի մինչև Բայդենը հեռանա Սպիտակ տնից, Կոնգրեսի կողմից հատկացված ողջ գումարը ծախսվի», – ասել է ԱՄՆ նախագահի օգնականը։
