Դոնալդ Թրամփը «հմայել է» Ռուսաստանի նախագահ Վլադիմիր Պուտինին և հարցեր է տվել նրա մասին, գրել է Գերմանիայի նախկին կանցլեր Անգելա Մերկելը` հիշելով 2017 թվականին Վաշինգտոն կատարած իր այցը «Ազատություն» հուշերում, որոնց հատվածները հրապարակել է գերմանական Zeit թերթը։
Մերկելի խոսքով՝ Թրամփի հետ երկխոսությունը տեղի է ունեցել տետ ա տետ։
«Ես հիմնականում խոսում էի անգլերենով, իսկ թարգմանիչը մասնակցել է զրույցին և թարգմանել մի քանի ավելի բարդ հատվածներ: Դոնալդ Թրամփը ինձ մի քանի հարց տվեց, այդ թվում՝ իմ արևելյան գերմանական ժառանգության և Պուտինի հետ իմ հարաբերությունների մասին:
Ակնհայտ է, որ նա շատ հիացած էր Ռուսաստանի նախագահով»,- թերթը մեջբերում է հատված Մերկելի գրքի տեքստի նախնական տարբերակից, որը տարածվել է մինչ պաշտոնական հրապարակումը։
