MediaHub-ի հավաստի տեղեկություններով՝ Նիկոլ Փաշինյանը որոշել է, թե ինչ պաշտոնի կնշանակի ՔԿ նախկին նախագահ Արգիշտի Քյարամյանին:
Ըստ մեր աղբյուրի՝ Արգիշտի Քյարամյանը կնշանակվի Պետական պահպանության ծառայության ղեկավար: Նշենք, որ ներկայումս Պետական պահպանության ծառայության պետն է Արթուր Գասպարյանը, որը նշանակվել է 2024 թ․ մարտի 4-ին: Մեզ ասացին, որ Արթուր Գասպարյանը ևս չի մնա առանց պաշտոն, եթե Փաշինյանը որոշի Քյարամյանին տանել այս կառույց:
Հիշեցնենք, հետհեղափոխական Հայաստանում Քյարամյանը թերևս միակն է, որ այդքան շատ ու տարբեր պաշտոնների է նշանակվել:
Այդպես՝2020թ. մայիսի 4-ի ՀՀ վարչապետի որոշմամբ նշանակվել է ՀՀ քննչական կոմիտեի նախագահի տեղակալ։
2020թ. մայիսի 5-ին Հանրապետության նախագահի հրամանագրով նշանակվել է ՀՀ ազգային անվտանգության ծառայության տնօրենի տեղակալ։
2020թ. հունիսի 8-ին Հանրապետության նախագահի հրամանագրով նշանակվել է ՀՀ ազգային անվտանգության ծառայության տնօրեն։ 2020թ . դեկտեմբերի 24-ից մինչև 2021 թվականի հուլիսի 12-ը ՀՀ քննչական կոմիտեի նախագահի տեղակալ։
2021թ. հուլիսի 12-ին նշանակվել է ՀՀ քննչական կոմիտեի նախագահ։
