Չինաստանի նախագահ Սի Ծինփինը կոչ է արել Ֆրանսիային և Չինաստանին ավելի մեծ ներդրում ունենալ Չինաստան-Եվրոպա հարաբերությունների առողջ զարգացման գործում։ Համապատասխան հայտարարությամբ նա հանդես է եկել Ֆրանսիայի նախագահ Էմանուել Մակրոնի հետ Ռիո դե Ժանեյրոյում G20 գագաթնաժողովի շրջանակներում կայացած հանդիպմանը։
«Երկու կողմերը պետք է ամրապնդեն ռազմավարական համագործակցությունը և փոխադարձ աջակցությունը, պահպանեն Չինաստան-Ֆրանսիա հարաբերությունների առողջ և կայուն դինամիկան և ավելի մեծ ներդրում ունենան Չինաստան-ԵՄ հարաբերությունների առողջ զարգացման գործում»,-մեջբերում է Չինաստանի Կենտրոնական հեռուստատեսությունը։
Չինաստանի նախագահը նաև ընդգծել է Չինաստանի պատրաստակամությունը՝ շարունակելու ակտիվացնել բարձր մակարդակի փոխանակումները Ֆրանսիայի հետ և խորացնել փոխանակումներն ու համագործակցությունը մշակութային, կրթական և այլ հումանիտար ոլորտներում։
