Իրանը, Ռուսաստանը և Չինաստանը Արևմուտքին կոչ են արել վերականգնել ԳՀՀԾ- ն

05.06 16:41 | Կատեգորիա Քաղաքական

Իրանը, Չինաստանը և Ռուսաստանը կոչ են արել անհրաժեշտ քայլեր ձեռնարկել 2015 թվականին կնքված Գործողությունների համատեղ համապարփակ ծրագիրը (ԳՀՀԾ) վերականգնելու ուղղությամբ։ «Արմենպրես»-ի փոխանցմամբ՝ այս մասին հաղորդում է IRNA գործակալությունը:«Մեր երկրները հետևողականորեն վճռական աջակցություն են ցուցաբերել ԳՀՀԾ-ին։ Մենք, մյուս կողմերի հետ միասին, ժամանակ և ջանք ենք ներդրել բանակցություններում, որոնք հանգեցրել են 2015 թվականին ԳՀՀԾ-ի կնքմանը, այնուհետև` դրա իրագործմանը»,- ասվում է Ատոմային էներգիայի միջազգային գործակալության կառավարիչների խորհրդի նիստում երեք երկրների կողմից առաջին անգամ ներկայացված համատեղ հայտարարության մեջ:Հայտարարությունը ներկայացվել է Վիեննայում միջազգային կազմակերպություններում Ռուսաստանի Դաշնության մշտական ներկայացուցիչ Միխայիլ Ուլյանովի կողմից։«Մեր աջակցությունը ԳՀՀԾ-ին անփոփոխ է մնացել 2018 թվականից, երբ Ամերիկան անօրինականորեն և միակողմանի կարգով դուրս եկավ այդ համաձայնագրից, իսկ միակողմանի անօրինական պատժամիջոցների կիրառումը և Իրանի վրա առավելագույն ճնշման քաղաքականության իրականացումը բեկումնային պահ դարձան այս համաձայնագրի համար», - նշված է հայտարարության մեջ։Գործողությունների համատեղ համապարփակ ծրագիրն Իրանի հետ ստորագրել են ՄԱԿ-ի Անվտանգության խորհրդի մշտական հնգյակը (ԱՄՆ, Բրիտանիա, Ֆրանսիա, Չինաստան, Ռուսաստան) և Գերմանիան 2015 թվականին՝ Թեհրանի միջուկային մշակումների շուրջ ճգնաժամի հաղթահարման նպատակով: ԱՄՆ-ն նախկին նախագահ Դոնալդ Թրամփի օրոք՝ 2018 թվականին, միակողմանիորեն դուրս է եկել պայմանագրից։ԱՄՆ-ի ներկայիս ղեկավար Ջո Բայդենը բազմիցս հայտարարել է Վաշինգտոնը միջուկային գործարքին վերադարձնելու պատրաստակամության մասին։ 2021 թվականի ապրիլից միջուկային գործարքի կողմերը Վիեննայում բանակցություններ են վարել Իրանի հետ՝ ԳՀՀԾ-ն իր սկզբնական տեսքով վերականգնելու շուրջ, սակայն մի քանի փուլերից հետո՝ 2022 թվականի նոյեմբերին, բանակցությունները փակուղի են մտել։

Ամենաշատ կարդացվածներ

Սամվել Կարապետյանին ոչ թե որպես վտանգ ներկայացնել է պետք, այլ` հայրենանվեր մարդու օրինակ դարձնելով սերունդներ դաստիարակել. Ռուբեն Հայրապետյան

18.06 21:41 | Կատեգորիա Քաղաքական

«Մեր հաղթանակին այլընտրանք չկա»․ Սամվել Կարապետյանը ուղերձ է հղել (տեսանյութ)

19.06 00:12 | Կատեգորիա Քաղաքական

Նիկոլ Փաշինյանը ապօրինի ձերբակալել է լրիվ անմեղ մարդու (տեսանյութ)

18.06 22:35 | Կատեգորիա Մամուլ

Մադոննայի և Նոր Հռոմի պապ Ֆրանցիսկոսի կապը

18.06 23:00 | Կատեգորիա Ժամանց

Իսրայելը օպերացիաներ է անում Իրանում Ադրբեջանի տարածքից. իսրայելցի հայագետի բացահայտումները (տեսանյութ)

18.06 22:00 | Կատեգորիա Համաշխարհային

Ոտքերից մինչև լեզու՝ հայտնի աստղերի ապահովագրված մարմնի մասերը

18.06 23:30 | Կատեգորիա Ժամանց

Ֆինանսավորումը պակասեցրել են. առողջապահության նախարարը պարտադրում էր խախտումների հետ համաձայնեմ (տեսանյութ)

19.06 20:52 | Կատեգորիա Քաղաքական

Կարեն Խաչանովի հաղթական մեկնարկը Հալե-ի ATP-500 մրցաշարում

18.06 22:52 | Կատեգորիա Սպորտ

39-ամյա Իրինա Շեյքը թարմացրել է իր անձնական բլոգը՝ հրապարակելով սելֆի համարձակ կերպարով

19.06 22:05 | Կատեգորիա Ժամանց

ՈՒՂԻՂ