Կատալոնական «Բարսելոնան» դիտարկում է 34-ամյա լեհ դարպասապահ Վոյցեխ Շչեսնիի հետ նոր պայմանագիր ստորագրելու հնարավորությունը, հայտնում է Marca-ն։
Չնայած այն փաստին, որ Շչեսնին հոկտեմբերին կատալոնական ակումբին միանալուց հետո ոչ մի հանդիպում չի անցկացրել, «Բարսելոնան» գոհ է նրա պրոֆեսիոնալիզմի մակարդակից և այն բանից, թե ինչպես է նա ընդունել թիմի պահեստային դարպասապահի դերը:
Լեհաստանի հավաքականի նախկին դարպասապահը կատալոնական ակումբ է եկել դրական տրամադրվածությամբ և լավ ազդեցություն ունի թիմի խաղացողների վրա։
«Բարսելոնայի» հիմնական դարպասապահ Մարկ-Անդրե տեր Շտեգենի ծանր վնասվածքից հետո Շչեսնին վերսկսել էր կարիերան և պայմանագիր կնքել Իսպանիայի փոխչեմպիոնի հետ: Շչեսնիի պայմանագիրը նախատեսված է մինչև 2025 թվականի հուլիսի 1-ը:
