Գերմանիայի արտաքին գործերի նախարար Անալենա Բերբոքը, ի տարբերություն կանցլեր Օլաֆ Շոլցի դիրքորոշման, դրական է գնահատել ԱՄՆ նախագահ Ջո Բայդենի որոշումը՝ հավանություն տալու ATACMS հրթիռային հարվածներին Ռուսաստանի տարածքի խորքում։
«Վաղուց հայտնի է, որ ես և Գերմանիայի տնտեսական հարցերի և կլիմայի պաշտպանության նախարար Ռոբերտ Հաբեկը՝ իմ կուսակցությունը, դրան վերաբերվում ենք ճիշտ այնպես, ինչպես մեր արևելաեվրոպական գործընկերները՝ բրիտանացիները, ֆրանսիացիները և ամերիկացիները», - ասել է նա rbb24 ռադիոկայանին տված հարցազրույցում:
«Եվ դա միջազգային իրավունքի շրջանակներում է»,- ասել է Բերբոքը: Նրա տեսանկյունից՝ ATACMS հրթիռային հարվածները կարող են ոչնչացնել Ռուսաստանում հրթիռային կայանները։
Այնուամենայնիվ, նա կոչ է արել «կշռել յուրաքանչյուր քայլը» և երկխոսություն վարել:
«Դիվանագիտությունն ապրում է միմյանց հետ խոսելով նույնիսկ ամենադժվար պահերին»,- պնդել է ԱԳՆ ղեկավարը։
Շոլցն ավելի վաղ ընդգծել էր, որ դեմ է Կիևին արևմտյան զենքով ռուսական տարածքի խորքում հարվածներ հասցնելու իրավունք տալուն։
