Աբխազիայի նախագահ Ասլան Բժանիան հրաժարական է ներկայացրել, հայտնում են տեղական լրատվամիջոցները:
Ինչպես նշում են ընդդիմության ներկայացուցիչները, իշխանություններին երկու տարբերակ է առաջարկվել՝ ամբողջ կառավարության հրաժարականը նախագահի, փոխնախագահի եւ վարչապետի հետ, իսկ նախագահի պարտականությունները մինչեւ ընտրությունների նշանակումը պետք է կատարի խորհրդարանի խոսնակ Լաշա Աշուբան:
Հիշեցնենք, որ Աբխազիայի մայրաքաղաք Սուխումում մարդիկ բողոքի ցույց են անցկացրել խորհրդարանի և նախագահական նստավայրի մոտ՝ ընդդեմ Ռուսաստանի հետ ներդրումային համաձայնագրի կնքման։ Սկզբում ցուցարարները բեռնատարով կոտրել են խորհրդարանի շենքի դարպասներն ու ներխուժել, ապա շրջափակել են նախագահականը և կրկին կոտրել դարպասները: Ցուցարարները պահանջել են նախագահի անհապաղ հրաժարականը: Նրանք ձվեր ու շշեր են նետել ոստիկանների ուղղությամբ, որոնք իրենց հերթին ծխային ռումբեր են օգտագործել։ Խորհրդարանի մոտ կրակոցներ են հնչել. բողոքի ակցիայի ժամանակ տուժել է ութ մարդ:
