Թուրքական բանակը, անհրաժեշտության դեպքում, անդրսահմանային գործողություններ կանցկացնի Սիրիայի հյուսիսում այնտեղ տեղակայված Քրդստանի աշխատավորական կուսակցության (PKK, Թուրքիայում արգելված) զինյալների դեմ։ Այս մասին հայտնում են թուրքական լրատվամիջոցները՝ հղում անելով Թուրքիայի պաշտպանության նախարարության աղբյուրներին։
Նրանք մեկնաբանել են նախագահ Թայիփ Էրդողանի հայտարարությունները հարակից տարածքում նման գործողությունների հնարավորության մասին՝ ավարտին հասցնելու համար 30 կմ անվտանգության գոտու ստեղծումը։
«Մեր երկրի և մեր սահմանների անվտանգությունն ապահովելու համար գործողություններ իրականացնելը Թուրքիայի օրինական իրավունքն է միջազգային իրավունքի և ինքնապաշտպանության իրավունքի տեսանկյունից»,-նշված է հաղորդագրության մեջ։
Թուրքիայի նախագահ Ռեջեփ Թայիփ Էրդողանը նախկինում բազմիցս հայտարարել է Սիրիայի հյուսիսում անվտանգության գոտի ստեղծելու պլանների մասին՝ սահմանի 600 կիլոմետրանոց հատվածի վրա վերահսկողություն ապահովելու և նրա տարածքից բխող ահաբեկչական սպառնալիքները նվազագույնի հասցնելու համար։ Թուրքիայի իշխանությունները PKK-ն անվանում են ազգային անվտանգության գլխավոր սպառնալիք։
