Ֆրանսիայի և ՆԱՏՕ-ի առաջնորդները քննարկում են Կիևին աջակցելու և Ռուսաստանի դեմ պատերազմը սաստկացնելու հարցը, ակտիվորեն փորձում են սրել հակամարտությունը Ռուսաստանի հետ՝ փորձելով այն մղել անշրջելի փուլի։ Այսպիսի կարծիք է հայտնել ՌԴ Անվտանգության խորհրդի փոխնախագահ Դմիտրի Մեդվեդևը իր Telegram ալիքում։
«Թրամփի հաղթանակից հետո եվրոպական առաջնորդների մոտ աշնանային սրացումներ են սկսվել։ Նպատակը Ռուսաստանի հետ հակամարտությունն անշրջելի փուլ մղելն է։ Կամ ֆրանսիացին աղաղակում է Կիևին աջակցելու մասին ԱՄՆ-ի հետքաշվելու դեպքում, կամ ՆԱՏՕ-ի ղեկավարները սրամտում են, թե ինչպես ավելի ակտիվորեն պատերազմ մղել մեզ հետ: Իսկ այժմ Գերմանիայի կանցլերի թեկնածու Մերցը վերջնագիր է ներկայացրել Ռուսաստանին։ Ասում են՝ կա՛մ ավարտեք ռազմական գործողությունը, կա՛մ հաջորդ օրը ուկրաինացիներին գերմանական Taurus հրթիռներ կտանք։
Հասկանալի է, որ նման «վերջնագրերը» նախընտրական բնույթ են կրում։ Հասկանալի է, որ այդ հրթիռներն ի վիճակի չեն էապես ինչ-որ բան փոխելու մարտական գործողությունների ժամանակ։ Դրանց մատակարարումը Բանդերայի ռեժիմի հոգեվարքը երկարացնելու միայն միջոց է։ Բայց թևավոր հրթիռների հարվածները բազմիցս մեծացնում են հակամարտության ամենավտանգավոր փուլին հասնելու վտանգը:
Այս մասին զգուշացրել է նաև մեր նախագահը։ Ընդհանրապես, ուղղակի զարմանալի է, թե որքանով է եվրոպացի քաղաքական գործիչների ներկայիս սերունդը ցանկանում պատերազմը քաշել դեպի իրենց տարածք՝ ընդ որում, ի ուրախություն ամերիկացիների և հակառակ սեփական ժողովուրդների ցանկությանը։
Երկրորդ համաշխարհային պատերազմի պատվաստանյութն ամբողջությամբ դադարել է գործել։ Եվրոպայի փորձառու և պարզապես խելացի առաջնորդները դարձել են պատմություն։ Եկել են տականքները՝ ուռճացված ինքնագնահատականով։ Սա նշանակում է, որ վատ սցենարը մնում է ամենահավանականը»,-գրում է Մեդվեդևը։
