Եվրամիությունը պետք է բարձրացնի իր անկախության մակարդակը՝ ԱՄՆ նախագահական ընտրություններում հանրապետական Դոնալդ Թրամփի հաղթանակից հետո սեփական անվտանգությունն ապահովելու հարցում։ Նման կարծիք է հայտնել Ֆինլանդիայի նախագահ Ալեքսանդր Ստուբը։
«Եվրոպան պետք է հասկանա, որ ԱՄՆ-ը փոխվել է: Սա նշանակում է, որ մենք պետք է ավելի շատ պատասխանատվություն կրենք մեր արածի համար: Օրինակ՝ անվտանգության տեսանկյունից»,- ասել է նա Bloomberg-ին տված հարցազրույցում՝ հավելելով, որ Թրամփը արդեն ասել է Ուկրաինայում և Մերձավոր Արևելքում հակամարտությունները դադարեցնելու մտադրության մասին։
Միաժամանակ, Ֆինլանդիայի ղեկավարը հույս է հայտնել, որ ԱՄՆ-ն ու ԵՄ-ն Թրամփի նախագահության օրոք կկարողանան միասնական դիրքորոշում պահպանել միջազգային հարցերի շուրջ։
«Պատմության ընթացքում Միացյալ Նահանգները և Եվրոպան, ընդհանուր առմամբ, եղել են նույն հարթության վրա: Եվ ես վստահ եմ, որ մենք դա նորից կանենք առաջիկա չորս տարիների ընթացքում», - ասել է Ստուբը:
Ավելի վաղ Ֆրանսիայի ցամաքային զորքերի շտաբի պետ, գեներալ Պիեռ Շիլը հայտարարել էր, որ ԵՄ-ն կամրապնդի իր պաշտպանությունը՝ հաշվի առնելով ԱՄՆ ընտրությունների արդյունքները։ Նրա խոսքով՝ Ֆրանսիան ցանկանում է նպաստել Եվրոպայի պաշտպանությանը։
