Ադրբեջանի նախագահ Իլհամ Ալիևը հրապարակում է արել սեպտեմբերի 27-ի՝ կապակցությամբ, այս օրն Ադրբեջում Հիշատակի օր է։
Նա գրել է, թե այսօր լրանում է 2020 թվականի սեպտեմբերի 27-ին սկսված 44-օրյա պատերազմի վեց տարին։
Ադրբեջանական կողմի ներկայացմամբ՝ պատերազմի հետևանքով ադրբեջանական բանակի վերահսկողության տակ է անցել տարածքների զգալի մասը։
Ռազմական գործողությունների ընթացքում զոհվել է 2 908 ադրբեջանցի զինծառայող, ևս վեցը համարվում է անհետ կորած։ Ադրբեջանական կողմը նաև հայտնում է 93 խաղաղ բնակչի զոհվելու և 454-ի վիրավորվելու մասին։
Հրապարակման մեջ նշվում է, որ նոյեմբերի 8-ին Շուշիի նկատմամբ վերահսկողության հաստատումը կանխորոշել է պատերազմի ելքը։
Նոյեմբերի 10-ին Ադրբեջանի, Ռուսաստանի և Հայաստանի ղեկավարները ստորագրեցին եռակողմ հայտարարություն։ Դրանից հետո Ադրբեջանին անցան Աղդամի, Քելբաջարի և Լաչինի շրջանները։
Հրապարակման համաձայն՝ 2023 թվականի սեպտեմբերի 20-ի՝ ադրբեջանական կողմի ձևակերպմամբ «տեղային հակաահաբեկչական միջոցառումներից հետո Ադրբեջանի տարածքային ամբողջականությունն ու ինքնիշխանությունն ամբողջությամբ վերականգնվել են»։
