Թուրքիան կարող է ռազմական օգնություն ցուցաբերել Սաուդյան Արաբիային և Պակիստանին, որոնց հետ կապված է Մեքքայի համաձայնագրով, հայտարարել է Թուրքիայի նախագահ Ռեջեփ Թայիփ Էրդողանը։ Ամերիկյան Newsweek ամսագրին տված հարցազրույցում նա ասել է, որ համաձայնագիրը հիմնված է ՄԱԿ-ի կանոնադրության 51-րդ հոդվածի համաձայն ինքնապաշտպանության իրավունքի վրա։ «Այն սահմանում է, որ երեք երկրներից որևէ մեկի վրա զինված հարձակումը կհամարվի հարձակում բոլոր կողմերի վրա։
Պատասխանի բնույթը կորոշվի հարձակման ենթարկված երկրի խնդրանքի և կարիքների հիման վրա։ Նման աջակցությունը կարող է լինել հետախուզական, լոգիստիկ օգնության կամ զինամթերքի մատակարարման տեսքով։ Սպառնալիքի մասշտաբից կախված՝ կարող է քննարկվել նաև ավելի առաջադեմ ռազմական աջակցություն», - ասել է Թուրքիայի նախագահը։
Էրդողանը ընդգծել է, որ օգնությունը կորոշվի «խորհրդակցության և համակարգման միջոցով»։ Թուրք առաջնորդի խոսքով՝ այս փուլում «անտեղի» կլինի ենթադրել, որ Իրաքում կամ Եմենում ցանկացած միջադեպ կարող է հանգեցնել «ավտոմատ ռազմական արձագանքի»։
