Ռումինիայի նախագահ Նիկուսոր Դանը հայտարարել է, որ հետաքրքրված է ամերիկացի զինվորներ տեղակայելով Ռումինիայի տարածքում, քանի որ կարծում է, որ դա օգտակար կլինի երկու երկրների համար էլ։
«Մենք շատ ենք ուզում տեսնել ամերիկացի զինվորների մեր տարածքում։ Սա օգտակար կլինի երկու երկրների համար էլ, քանի որ մենք շատ մոտ ենք Մերձավոր Արևելքին և Միջերկրական ծովին», - ասել է Դանը ամերիկյան SiriusXM ռադիոկայանի եթերում։
Նա ասել է, որ երկրներն արդեն իսկ ունեն ռազմական համագործակցություն. ռումինական բազաները ամերիկյան ինքնաթիռների կողմից օգտագործվել են վառելիքով լիցքավորման և պաշտպանական սարքավորումների տեղակայման համար, բայց նա կարծում է, որ այս գործընկերությունը կարող է ավելի զարգանալ։
«Մենք ցանկանում ենք, որ ավելի շատ ամերիկյան ընկերություններ ներդրումներ կատարեն Ռումինիայում։ Մենք ունենք պայմաններ, ունենք գիտության և տեխնոլոգիաների ոլորտում կրթություն ունեցող մարդիկ, և մենք ունենք լավ ներուժ էներգետիկայի ոլորտում», - ավելացրել է Դանը։
