ԱՄՆ-ում բենզինի միջին գինը հասել է 4,15 դոլարի մեկ գալոնի համար, ինչը մոտ 1,10 դոլար է մեկ լիտրի դիմաց։
Չնայած թանկացմանը՝ ԱՄՆ էներգետիկայի նախարար Քրիս Ռայթը կարծում է, որ առաջիկայում գները կարող են նվազել։
«Եթե պետք լինի ենթադրել, ապա, ամենայն հավանականությամբ, գները կիջնեն, ոչ թե կբարձրանան»,- CNN-ին ասել է Ռայթը։
Վառելիքի թանկացումը տեղի է ունենում Իրանի հետ պատերազմի և Հորմուզի նեղուցով նավթի մատակարարումների խափանումների ֆոնին։ Մեկ տարի առաջ ԱՄՆ-ում բենզինի մեկ գալոնի միջին արժեքը մոտ 3,20 դոլար էր։
Ռայթի խոսքով՝ ֆյուչերսների շուկայի տվյալները ցույց են տալիս, որ մոտ երկու ամիս անց մատակարարվող բենզինի գինը ներկայիս մակարդակից ավելի քան 30 ցենտով ցածր է։
Բենզինի թանկացումը նաև լրացուցիչ ճնշում է ստեղծում Դոնալդ Թրամփի վարչակազմի վրա՝ նոյեմբերին սպասվող միջանկյալ ընտրություններից առաջ։
