Գերմանական Volkswagen-ի ամերիկյան ստորաբաժանումը հետ է կանչում ավելի քան 114 հազար ավտոմեքենա՝ անվտանգության բարձիկների պայթյունի վտանգի պատճառով, ասվում է Ճանապարհների երթևեկության անվտանգության ազգային վարչության (NHTSA) կայքում տեղադրված հաղորդագրության մեջ։
Մասնավորապես, պայթյունավտանգ նյութերի քայքայման պատճառով կարող է պայթել վարորդի անվտանգության բարձիկը: Դա կարող է առաջանալ բարձր խոնավության և ջերմաստիճանի երկարատև ազդեցության հետևանքով և կարող է հանգեցնել սուր մետաղի բեկորների ցրմանը, որը լուրջ վտանգ է ներկայացնում մեքենայում գտնվող մարդկանց առողջության և կյանքի համար:Խոսքը այժմ սնանկացած ճապոնական Takata ընկերության արտադրած սարքավորումների մասին է։
Նոր հետկանչը Volkswagen-ի և NHTSA-ի միջև 2020 թվականի համաձայնագրի շարունակությունն է, որը հանգեցրել է նույն բաղադրիչով 2012-2016 թվականների Volkswagen Beetle-ի հետկանչմանը:
Դրա շրջանակներում հետ են կանչվում Beetle-ի 2017-2019 մոդելները, ներառյալ կաբրիոլետները և Passat-ի մի շարք մոդելներ:Դիլերներն անվճար կփոխարինեն վարորդի անվտանգության բարձիկների մոդուլները հետ կանչված մեքենաներում:Takata-ն սնանկացավ 2017 թվականին՝ ԱՄՆ-ից 42 միլիոն տրանսպորտային միջոցների հետկանչման հետևանքով միլիարդավոր դոլարների պարտավորությունների առաջ կանգնելուց հետո։
