Երևանի Հալաբյան փողոցի 13 շենքի մոտ հայտնաբերված նորածնի առողջական վիճակը կայուն է։ Առողջապահության նախարարությունից հայտնել են, որ երեխայի կյանքին այս պահին վտանգ չի սպառնում․ հայտնում է Sputnik Արմենիան։«Երեխան շնչում է CPAP սարքի օժանդակությամբ։
Կյանքին սպառնացող վտանգ չունենք»,– հայտնել են Առողջապահության նախարարությունից։ Հիշեցնենք՝ նախօրեին՝ ժամը 20։40-ի սահմաններում, ոստիկանությունը ահազանգ էր ստացել, որ Հալաբյան 13 շենքի խաղահրապարակում՝ երկաթե թիթեղների տակ, նորածին երեխա կա։
Դեպքի առթիվ նախաձեռնվել է քրեական վարույթ։ Ոստիկանությունն ու քննիչները պարզում են նորածնի մոր ինքնությունը։
