ԱՄՆ-ը և Սաուդյան Արաբիան համաձայնության են եկել Վաշինգտոնի կողմից Թագավորության խաղաղ միջուկային ծրագրին աջակցության վերաբերյալ, ասվում է ԱՄՆ Էներգետիկայի նախարարության կողմից տարածված հայտարարության մեջ։ Փաստաթղթի համաձայն՝ համաձայնագիրը ստորագրվել է հուլիսի 22-ին ԱՄՆ էներգետիկայի նախարար Քրիս Ռայթի և Սաուդյան Արաբիայի էներգետիկայի նախարար արքայազն Աբդուլազիզ բին Սալման Ալ Սաուդի կողմից։
Հայտարարության մեջ ընդգծվում է, որ համաձայնագիրը ներկայացվել է ԱՄՆ Կոնգրեսին՝ վերանայման համար։
Փաստաթղթում նշվում է, որ այն նախատեսված է մի քանի տասնամյակ գործելու համար և նախատեսված է «ամերիկյան ընկերությունների համար լայն հնարավորություններ բացել՝ մասնակցելու Սաուդյան Արաբիայի միջուկային էներգիայի զարգացման ծրագրին»։ ԱՄՆ էներգետիկայի նախարարի խոսքով, ինչպես մեջբերվում է հայտարարության մեջ, համաձայնագիրը «համապատասխանում է միջուկային անվտանգության և չտարածման բարձրագույն չափանիշներին»։
