Կոնգոյում և Ուգանդայում Էբոլայից մահացել է ավելի քան 1000 հոգի
Կոնգոյի Դեմոկրատական Հանրապետությունում (ԿԴՀ) և Ուգանդայում Էբոլա տենդից մահացածների թիվը հասել է 1001-ի։
Այս մասին նշվում է Առողջապահության համաշխարհային կազմակերպության (ԱՀԿ) կայքում:
ԿԴՀ-ում մահացել է 999 մարդ, իսկ Ուգանդայում՝ ևս 2-ը։ ԿԴՀ-ում վիրուսի լաբորատոր հաստատված դեպքերի թիվը հասել է 2473-ի, մինչդեռ Ուգանդայում՝ 20-ի։ ԿԴՀ-ում ևս 322 դեպք կասկածվում է Էբոլայի հետ կապված։ Երկու երկրներում էլ 501 մարդ ապաքինվել է։ Մահացության մակարդակը կազմում է 40%։ Այս մասին հայտնում է 24news-ը` հղում անելով Առողջապահության համաշխարհային կազմակերպությանը (ԱՀԿ) :
ԿԴՀ կառավարությունը պաշտոնապես հայտարարել է Էբոլայի բռնկման մասին մայիսի 15-ին։ Նույն օրը Ուգանդայի առողջապահության նախարարությունը հաստատել է առաջին ներմուծված դեպքը։
Մայիսի 17-ին Առողջապահության համաշխարհային կազմակերպության գլխավոր տնօրենը ԿԴՀ-ում և Ուգանդայում Էբոլայի բռնկումը հայտարարել է միջազգային նշանակության հանրային առողջապահության արտակարգ իրավիճակ։ Բռնկման էպիկենտրոնը Իտուրի նահանգն է, որը սահմանակից է Ուգանդային։
