Հուլիսի 16-ին Կոնֆերենցիաների լիգայի 2026/27 թվականների մրցաշրջանի որակավորման առաջին փուլի պատասխան մրցախաղում «Ալաշկերտը» արտագնա հանդիպում անցկացրեց ղազախական «Ելիմայի» հետ։
Հարկ է նշել, որ այս թիմերի միջև տեղի ունեցած առաջին հանդիպումն ավարտվել էր 1-1 հաշվով: Պատասխան խաղի հիմնական ժամանակում նույնպես արձանագրվեց ոչ-ոքի՝ 1-1 հաշիվը. երևանյան ակումբից գոլի հեղինակ դարձավ Մոմո Տուրեն, իսկ տանտերերի կազմում պատասխան գնդակը խփեց Բախտիյարովը։
Հավելյալ ժամանակի ընթացքում Ղազախստանը ներկայացնող թիմի խաղացողները 11 մետրանոց հարվածի իրավունք ստացան, որը հաջողությամբ իրացրեց Իլիչը, սակայն հանդիպման վերջին վայրկյաններին երևանյան թիմից Տոգոլան հավասարեցրեց հաշիվը՝ դարձնելով այն 2-2։ Հետխաղային 11 մետրանոց հարվածաշարում Վահե Գևորգյանի գլխավորած թիմի ֆուտբոլիստներն ավելի դիպուկ իրացրեցին իրենց հնարավորությունները (6-5)՝ ապահովելով տեղը հաջորդ փուլում։
