ՀՀ ԱԺ ընտրություններին մնացել են հաշված օրեր, իսկ փողոցում շարունակվող քարոզարշավն, ի դեմս քաղաքական գործիչների, եռում է։ Արձակուրդում գտնվող վարչապետ Նիկոլ Փաշինյանն, օրինակ, մարդկանց սպառնում է «կզզացնելով» և քրեական հետապնդումներով ։
Իսկ ահա օրեր առաջ ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը Մալաթիա-Սեբաստիա վարչական շրջանում քարոզարշավին կիսադառը հումորով բնակիչներին դիմեց․ «Միգուցե Մալաթիա-Սեբաստիա համայնքը կոնֆլիկտածին է Թուրքիայի համար, ինչպես ասում է Փաշինյանը։ Հիմա ի՞նչ անենք՝ քոչե՞նք էստեղից, թե՞ «քոչացնենք» ինչ-որ մեկին»,- ասել է նա։
Քոչարյանը կոնֆլիկտածին համայնք է կոչել Մալաթիա-Սեբաստիան՝ այստեղի վառ կերպարների՝ քաղաքական ակտիվ ջանքերի համար։ Euromedia24-ին հասած տվյալներով Քոչարյանի դեմ, Տաշիր գրուպի սեփականատիրոջ՝ Սամվել Կարապետյանի և ԲՀԿ առաջնորդ Գագիկ Ծառուկյանի դեմ ակտիվ կպայքարեն այս համայնքում Սամվել Կարապետյանին և իր զավակներին կնքահայր դարձած Սամվել Ալեքսանյանն։ Այո՛, նա կաշխատի ՔՊ-ի համար՝ հանուն Փաշինյանի վերընտրության համար։
Չմոռանանք՝ նրա մեքենան լրագրողները ֆիքսել էին ապրիլի վերջին Երևան ժամանած Ադրբեջանի փոխվարչապետ Շահին Մուստաֆաևի, ադրբեջանցի և հայ գործարարների հետ հանդիպման ժամանակ։ Փաշինյանի կրճատած Հայստանի քարտեզի համար, ըստ մեր աղբյուրների՝ ագրեսիվ պայքար են մղում նույն բնակավայրում թաղային հեղինակություն համարվող երկրապահ «Լեդի Հակոբը»՝ ԱԺ նախկին ՀՀԿ–ական պատգամավոր Հակոբ Հակոբյանը, որը եղել է ՀԱԿ անդամ ու տրամաբանությունը հուշում էր, որ այս անգամ էլ պիտի աշխատեր ՀԱԿ-ի և Լեւոն Զուրաբյանի օգտին, բայց․․․։
Մեզ հասած տեղեկությունների համաձայն՝ Մալաթիա-Սեբաստիա համայնքում ընտրական պրոցեսները քպ-ի համար կազմակերպում է Հակոբ Հակոբյանի որդին՝ Խաչիկ Հակոբյանը։ Չմոռանանք՝ 2008 թ.-ի մարտի 1-ի արյունալի դեպքերի ժամանակ և դրան նախընթաց պայքարի օրերին Ռոբերտ Քոչարյանի իշխանության դեմ ակտիվ պայքարող գործիչներից մեկն էր Լեդի Հակոբը՝ որպես ՀԱԿ ակտիվ ադամ՝ չնայած այն հանգամանքին, որ քաղաքական կարիերայի ավարտը դարձավ հենց մարտի 1-ը՝ որպես քաղաքական ակտ։
Հիշեցնենք նաև, որ գործարար միջավայրում որպես նոր ծագած աստղ՝ Սամվել Ալեքսանյանին սկզբնական շրջանում հովանավորում էր Հակոբ Հակոբյանը՝ Լեդի Հակոբը։ Նրանք ժամանակին շատ մտերիմ էին, այսօր էլ, փատորեն, այս նույն անձանց համախմբում է նախկինների դեմ պայքարը կամ, ավելի ստույգ, Փաշինյանին ամեն գնով 3-րդ անգամ վարչապետ դարձնելու մղումը։
