Եվրոպական հանձնաժողովը պահանջում է, որ ԵՄ երկրների պաշտպանական արդյունաբերությունը 50 անգամ մեծացնի արտադրությունը։ Այս մասին հայտարարել է պաշտպանության և տիեզերքի հարցերով եվրահանձնակատար Անդրիուս Կուբիլիուսը՝ ելույթ ունենալով Մադրիդում կայացած պաշտպանական ֆորումում։
Նա կարծիք է հայտնել, որ հատուկ ռազմական գործողության մեկնարկից հետո Ուկրաինան, իբր, «50 անգամ մեծացրել է ռազմական արտադրությունը»։
«Եվրոպական հավակնությունները պետք է նույնը լինեն։ Պետք է կառուցվեն նոր գործարաններ, պետք է օգտագործվեն նորագույն սարքավորումներ, և նման զենք արտադրելու համար պետք է ներգրավվեն որակավորված աշխատողներ», - բացատրել է նա։ Ըստ եվրահանձնակատարի՝ դրան հասնելու համար ԵՄ երկրները պետք է երաշխավորեն արդյունաբերության համար «զենքի երկարաժամկետ և կայուն պահանջարկ», որը, նրա պնդմամբ, անհրաժեշտ է «Եվրոպայում խաղաղության համար»։
Կուբիլիուսը կոչ է արել ԵՄ անդամներին «ամրագրել մեծ ռազմական պաշարներ պահպանելու անհրաժեշտությունը» օրենսդրությամբ, որպեսզի պաշտպանական արդյունաբերության ընկերությունները կարողանան վստահ լինել իրենց ներդրումների հուսալիության մեջ։
